影后余香凝和王丹妮今晚（10日）到尖沙咀出席品牌活動，兩人都穿着品牌平底鞋現身。王丹妮直言因生得高，相比起高踭鞋更鍾意着平底鞋，不過以前因為模特兒工作關係要經常着高踭鞋，不時都會發生意外。她還大方分享曾試過行騷時跣倒，大字形跌趴在地上，不過最後她站起來華麗轉身，繼續完成整場騷，獲得全場觀眾掌聲。她又言：「同埋都試過對鞋出咗事，所以最後要拎住對鞋嚟行Show。」不過現在專心做演員的他，表示已經不再行時裝騷，雖然都有接到一些品牌邀請，但都因為演員工作而推掉。
講到電影《焚城》即將上映，王丹妮透露今次電影角色是一名好硬朗的Madam，有不少好多動作場面。而問到剛拍完及下星期即將要開工的電影，王丹妮大賣關子，保持神秘感。問到是否賀歲片？她即笑說：「唔係我講㗎，你估㗎咋，同埋咁咪好玩囉，如果成日都好易估，觀眾都會缺乏新鮮感。」又言希望香港電影可以多點不同類型的片種，為大家帶來新鮮感，吸引觀眾支持港產片。
至於余香凝則表示若然隆重場合都可以着平底鞋就好，透露之前出席金像獎因為條裙太長，即使大着肚子都要着高踭鞋。又笑指老公不介意自己會高過他：「因為佢話最緊要係我靚，佢話我着高踭鞋可以凸顯到女性嘅魅力，不過着平底鞋都靚，因為我隻腳夠長。」冧爆表示雖然老公為人好老實，但間中都會甜言蜜語。
原文網址：余香凝離港開工錯過結婚周年 盼老公驚喜現身 | on.cc東網 | 繽FUN星網 https://hk.on.cc/hk/bkn/cnt/entertainment/20241010/bkn-20241010211743592-1010_00862_001.html
王丹妮演消防員高空繩索訓練嚇破膽：雙手係不斷咁震
王丹妮今日（10/10）現身尖沙咀出席品牌活動。提到她在電影《焚城》中擔當消防員一角，特意接受一連串消防訓練，而且還要在極高的地方進行半空繩索訓練，場面相當嚇人。王丹妮受訪時表示：「當時嘅高度有成20樓咁，嗰一刻我係好驚，但驚影響到其他，我就扮要鎮定，然後心呼吸話俾自己知要衝，快啲做好件事，然之後快啲爬返落嚟，件事就咁完咗。其他人見到我好鎮定，但其實我係呃大家，我內心係好震，同埋我落咗地之後，我雙手係不斷咁震，但我係表現到冇事咁樣，都真係呃到吓人。」
原文網址: 焚城｜王丹妮演消防員高空繩索訓練嚇破膽：雙手係不斷咁震 | 香港01 https://www.hk01.com/article/1065265?utm_source=01articlecopy&utm_medium=referral