·
女星王丹妮（Louise）今日（25日）出席藝術展，同場還有已故戴安娜王妃的雙胞胎姪女Lady Amelia Spencer及Lady Eliza Spencer。Louise透露之前因拍戲需要而把頭髮剪短，但之後又要為另一套戲而留長髮：「我努力中，好在我幾好營養，半年就可以由耳仔留到去膊頭，不過我都有兩手準備，我有好多假髮。（你鍾意長髮定短髮？）我鍾意短髮，爽啲加上我個性格男仔頭，依家個頭洗完5分鐘就吹得乾，如果想要打扮得女性化啲，我可以夾假髮，不過老公就鍾意我長髮，覺得靚啲，但我覺得短髮開心，佢都會支持我。」
提到在澳洲修讀神經及骨骼科的老公羅孝勇，之前快閃回港為女兒慶生後又離港，她說：「佢讀書成績好好，我為佢感到驕傲，難得佢搵到自己興趣。」她又指老公學有所成為她按摩鬆骨，手勢一流：「我生得高又長期着高跟鞋，後腰經常會痛，佢按完15分鐘之後真係唔痛，真係好有效，我不時同朋友推薦。」
原文網址：羅孝勇留學澳洲成績優異 王丹妮：佢按摩手勢一流 | on.cc東網 | 繽FUN星網 https://hk.on.cc/hk/bkn/cnt/entertainment/20230525/bkn-20230525200243818-0525_00862_001.html