賀歲片《臨時決鬥》由《臨時劫案》導演麥啟光率領古天樂、梁詠琪（GiGi）、王丹妮、周秀娜、胡子彤、張文傑、陳湛文、楊詩敏（蝦頭）、伍允龍、喬靖夫、王尹菁、王頌茵、陳獻略、陳慧敏、陳楨怡及吳梓熙等演出，並定檔於1月28日，大年廿九跟大家見面。
昨日（18日），導演麥啟光率領演員古天樂、梁詠琪、王丹妮、陳湛文及陳慧敏出席在澳門新濠影滙影滙戲院舉行的全球首映禮。戲內主創成員分享拍攝趣事，導演麥啟光則分享戲中演員賣力打外，同時佈滿搞笑能手，認真地搞笑，搞笑地說故事，亦是今次《臨時決鬥》的看點，而自己在籌備拍攝時，曾經考慮用動作替身協助演員，令演員可以輕鬆一點，怎料演員們位位親身上陣。
飾演戲中拳王鍾磊的古天樂席間分享道：「好開心再次同Gigi拍賀歲片，大家好有默契，希望大家睇得開心。」身為拳王太太的Gigi則被導演評為是電影中的搞笑擔當，不少對白也由Gigi自己構思，她感謝導演信任，「導演俾咗好多信心同自由我哋，好多嘢都係大家即時度，而我係有因為《臨時決鬥》學泰拳，但喺戲入面就唔係打到飛起，打到飛起就有我身邊的王丹妮。」
王丹妮主力負責打，除了有同娜姐、Gigi、蝦頭一起在未開拍前，已努力練拳之外，還有在拍攝時實測膽量。飾演廣告女強人的王丹妮，本身不但畏高，更一直更抗拒玩很高的機動遊戲，但一場講述胡子彤帶王丹妮到水上樂園減壓，大玩垂直滑梯的戲分時，王丹妮則眼濕濕為角色頂硬上，「嘩！嚇死我！個個一見條滑梯都話高，我見到都腳軟，但又唔想因為我怕高唔拍，一路上樓梯一路勁驚，好彩最後導演兩take就搞掂咗，條滑梯真係太太刺激。」
陳湛文飾演的Daniel就「威威豬」，王丹妮和娜姐兩個女神全因為他大打出手，陳湛文說：「唔使懷疑，點解要一齊爭我，哈哈，想知就入場啦！」今次《臨時決鬥》有不少場口到澳門拍攝，也有澳門代表陳慧敏參與拍攝，她飾演醫院陳姑娘，她對於今次有份參與賀歲電影感到榮幸，「過去大家可能比較少喺大銀幕見到我，希望來年有更多機會。」
最後，一眾演員與嘉賓們舉杯進行祝酒儀式，預祝賀歲電影《臨時決鬥》票房節節上升，票房創下佳績，為觀眾在農曆新年帶來無限嘅歡樂同感動。
原文網址：臨時決鬥｜梁詠琪親自度橋獲導演封搞笑擔當 王丹妮拍一場戲被嚇到眼濕濕兼腳軟 - 本地 - 明周娛樂
電影業屢傳下滑難開戲 陳湛文認斷Job：手頭暫時未有
2025年香港賀歲片《臨時決鬥》，由麥啟光執導，古天樂、梁詠琪、王丹妮、周秀娜、胡子彤、張文傑、陳湛文及蝦頭楊詩敏等主演，電影今日（18日）在澳門舉行全球首映禮，一眾主演前往澳門新濠影滙出席盛會，並與港澳影迷粉絲見面！
主演《臨時決鬥》的王丹妮與陳湛文，於首映禮前接受傳媒訪問，王丹妮談到電影花絮裡曝光被古天樂訓練、狠撻的過程，王丹妮分享當中的辛酸：「古生已經好就住我，同埋個動作旋轉式、諗住長痛不如短痛啦！」王丹妮笑言自己感到被撻落地的威力餘韻：「背脊落地嗰下成個人震一震，要一陣先爬到起身，好彩場戲都係要我慢慢爬起身！」陳湛文隨即好奇Louise有否被摔至呼吸困難時，王丹妮表示：「我感覺到橫隔膜震！啲內臟散晒！我自己再砌返埋一齊！要順返條氣，爬返起身繼續演。」
至於陳湛文的戲份，有幸周旋於王丹妮、周秀娜兩位女神之間，實在非常難得：「唔算好多着墨喺談情說愛嘅，一嚟我就黃咗、要冚煲蓋！」亦笑指連自己也不知道為何能夠有幸被兩位女神爭奪：「如果我有向導演爭取，我實直認不諱！但冇喎，可能因為我零舍岩巉，個喜劇效果會好啲！」然而陳湛文亦表示唯獨未能參與動作戲份感到可惜：「原本我要畀Louise摑一把，但都臨場抽走咗。我想畀人打下，話曬都咁多打鬥，畀我參與下嘛！畀人打都算係嘛！」王丹妮則笑言自己訓練多時，力度今非昔比，怕會誤傷湛文。
至於與周秀娜的戲份，陳湛文透露為道具相片進行拍攝時，要與娜姐幾乎「零距離」親䁥合照，Peter笑言：「要好近好近！我嗰時真係硬曬軚！真係唔敢呼吸、導演要我做乜我都唔敢郁！」王丹妮在戲中為陳湛文八年的女友，笑言自己看到道具相，則代入到角色身上、連拳頭都硬晒！
近日電影市道屢傳下滑消息，連古天樂亦表示開戲困難重重，王丹妮與陳湛文被問到今年手頭已獲得的演出機會時，陳湛文作為《飯戲攻心》系列的千萬級男演員，亦表示正面對市道難關：「手頭上有幾多……我冇得數喇，暫時未有。」王丹妮則表示：「之後有啲仲傾緊嘅，當然都希望之後有多啲劇集、電影都多返啲，演員先有工開。」
原文網址: 臨時決鬥︱電影業屢傳下滑難開戲 陳湛文認斷Job：手頭暫時未有 | 香港01 https://www.hk01.com/article/1095319?utm_source=01articlecopy&utm_medium=referral