·
王丹妮（Louise) 、羅孝勇(Sheldon)自去年底結婚後，因工作和讀書關係，平時聚少離多，近日適逢獲手錶品牌邀請，展開一次四天蜜遊奧運之行，首次親身體驗奧運多項賽事，並到場為港隊游泳賽事打氣。
提到今次蜜遊巴黎有何收穫？Louise很享受的說：「當然時間長啲就更好啦，但係四天也可以很充實愉快。今次嘅旅程好開心同另一半夾到四日時間一齊參與呢個世界體壇盛事，上年年尾結完婚都好似冇機會咁樣一齊出遊，所以今次Paris Olympics 之旅，對我哋兩個都更有特別意義。Sheldon以前大學時候都有玩過欖球同柔道，所以佢都睇得特別興奮！我自己以前有打排球，所以亦都好期待睇沙灘排球。但係我哋兩個最期待嘅一定係游水！能夠喺現場大聲支持香港隊，為香港隊吶喊助威，興奮心情難以形容，亦都希望香港隊可以繼續再創佳績！」
Louise 亦回味讀書時期的自己說：「其實由細到大都有參與好多唔同嘅運動，因為個人生得比較高手腳比較長，所以中學入學嘅時候都總會被運動方面嘅團隊招攬，嗰陣時有join划艇，長跑同埋排球隊，仲好記得每個禮拜好幾日放學都不斷咁同其他戰友一齊訓練，而家諗返都係一段好美好嘅回憶。」