·
女星王丹妮（Louise）最近為品牌拍攝廣告，她身穿低胸吊帶裙，高貴嫵媚。演出經驗豐富的她，今次遇上入行以來最難應付的對手，她在廣告中要跟蘭花互動，坦言比起跟人演戲，跟植物演戲的挑戰更大：「今次係我第一次同蘭花合作，需要互相交流，蘭花本身係植物，唔似平日電影上同人演戲，所以真係好有挑戰性。」Louise更打趣說︰「參與今次拍攝嘅蘭花小姐屬於非常稀有品種，係由法國請佢過嚟，而且只有一朵﹗如果同佢互動時，我太大力或者唔小心整爛咗，真係唔敢想像！我寧願自己畀攝影棚嘅燈曬住，佢一停機就要返化妝間嘆冷氣。」
Louise當日經歷長達14小時無間斷拍攝，又需要多次做出仰頭動作，剛開始時她嘗試了很多Take導演才接受，後來經過不停地練習，最終導演滿意收貨兼讚她專業。王丹妮笑言︰「拍攝後期條頸又攰又緊，而且經過一整日嘅仰頭運動，下顎綫變到更加明顯，都算得上係拍攝嘅意外收穫。」
原文網址：王丹妮低胸拍廣告遇「最強對手」：條頸又攰又緊！ | on.cc東網 | 繽FUN星網 https://hk.on.cc/hk/bkn/cnt/entertainment/20230224/bkn-20230224210159880-0224_00862_001.html